учебник на татарском языке

Физика, 8 нчы сыйныф, Гайфуллин В.Г., Исламшин Р.Ә., 2007.

Учебник по физике для 8 класса на татарском языке.

Әйләнә-тирәдәге табигатьтә һәм көндәлек тормышта җылынуга һәм суынуга бәйле күп төрле күренешләрне күзәтергә мөмкин. Әйтик, ел фасыллары алышына, һәм һаваның, туфракның температурасы үзгәрә, кар яки яңгыр ява, сулыкларның өслекләре бозга каплана, боз һәм кар эреп, яңадан суга әверелә һ. б.

Физика, 9 нчы сыйныф, Гайфуллин В.Г., Габидуллин Ә.С., Исламшин Р.Ә., 2005.

Учебник по физике для 9 класса на татарском языке.

Табигать, табигать күренешләре, физик җисем, материя төшенчәләре безгә 7 нче сыйныфтан ук таныш. Физиканы өйрәнүне без шул төшенчәләрдән башладык.
Безне әйләндереп алган дөньяда иң күп таралган табигать күренешләренең берсе — механик күренешләр.
Механик күренешләр — табигать күренешләренең иң гадие. Алар барлык күренешләр өчен дә уртак. Җылылык күренешләрен өйрәнгәндә, мәсәлән, без механик күренешләрдәге закончалыкларны файдаланабыз. Шуңа күрә 9 нчы сыйныфта физиканың системалы курсын өйрәнүне механикадан башлыйбыз.

Гомуми тарих, Иң борынгы заманнардан алып XIX гасыр ахырына кадәр, 10 нчы сыйныф, Загладив Н.В., Симония Н.А., 2009.

Учебник по истории для 10 класса на татарском языке.

Тарих фәннәре докторы, профессор Н. В. Загладин һәм тарих фәннәре докторы, РФА академигы Н. А. Симония дәреслеге кешелек үсешенең киң панорамасын үз эченә ала. Ул бөтендөнья тарихының бербөтен картинасын тудырырга ярдәм итәргә тиеш.

Биология, Кеше һәм аның сәламәтлеге, 9 сыйныф, Цузмер А.М., Петришина О.Л., 1995.

Учебник по биологии для 9 класса на татарском языке.

Кешенең иң беренче ихтыяҗы — үзенең гомерен һәм сәламәтлеген саклау. Авыруларның, физик кимчелекләрнең булмавы—кеше бәхетенең иң кирәкле шарты, шәхеснең һәрьяклап үсешенең, тормыш тулылыгын тоеп яштүнең зарури шарты. Бер үк вакытта кешеләрнең сәламәтлеге — бу халык байлыгы, җәмгыять үсешенең гаять мөһим шарты. Сәламәтлек кешегә укырга, эшләргә, армиядә хезмәт итәргә, спорт белән шөгыльләнергә мөмкинлек бирә.
Кешеләрнең күпчелеге физик һәм психик яктан сәламәт организмның нинди зур резервларга ия булуын, ул резервларны күп еллар буена актив һәм бәхетле тормышны озайту өчен ничек сакларга, үстерергә һәм файдаланырга мөмкин икәнлеген белми.
Сәламәтлекне саклау өчен, үз организмыңны, анда бара торган процессларны, авыруларны булдырмый калырга мөмкинлек бирүче шартларны өйрәнергә кирәк. Боларны белергә анатомия, физиология һәм гигиена кебек фәннәр ярдәм итәчәк.

Технология, 5 нче сыйныф, Павлова М.Б., Сасова И.А., Гуревич М.И., 2007.

Учебник по технологии для 5 класса на татарском языке.

Дәреслек укучыларда технология турында күзаллауны, кешенең һәм җәмгыятьнең ихтыяҗларын канәгатьләндерү өчен, әйләнә-тирәне кул көче белән барлыкка китерү ысулы буларак формалаштыруны максат итеп куя. Укучыларның иҗади фикер ләвен үстерүгә ярдәм итүче проектларның методлары технологик процессларны үзләштерү нигезен тәшкил итә. Балалар конкрет проектлар аша үз идеяләрен тормышка ашыруда, планлаштыруда, әйберләр эшләүдә белемнәрен һәм осталыкларын (сәләтләрен) файдаланырга өйрәнәләр.
Бу дәреслек малайларга да, кызларга да файдалы булыр. Монда кулинария, рациональ туклану, өй эшләре культурасының нигезләре бирелә, төрле материаллар белән эшләүнең иң гади ысуллары өйрәтелә.

Татар әдәбияты, 7 сыйныф, Мусин Ф.М., Гыйләҗев И.Г., Шәвәлиева Р.С., 2005.

Учебник по литературе для 7 класса на татарском языке.

Халыкның телдән сөйләнә торган поэтик әсәрләре халык авыз иҗаты яки фольклор дип атала. Фольклор — инглизчә «халык акылы» дигән сүз. Халык авыз иҗаты әсәрләре язу сәнгате туганчы ук барлыкка килгәннәр. Борынгы чорда җыр, бию, уеннар, төрле йолалар үзара үрелгән хәлдә ыруг, кабилә иҗаты буларак яши. Заманнар үтү белән кешеләрнең аңы да үсә. Шуның белән бергә халык авыз иҗаты да үзгәреш кичерә, аның төрләре арта, әсәрләрдәге фикер тирәнәя. Алар мөстәкыйль сәнгать әсәре булып формалашалар. Халык авыз иҗаты әсәрләренә җырлар, такмак-такмазалар, әкиятләр, мәкальләр һәм әйтемнәр, табышмаклар, мәзәкләр, бәетләр һ. б. керә. Алар да халыкның уй-хыяллары, гаделлек өчен көрәше, якты киләчәккә омтылышы гәүдәләнә. Шунлыктан фольклор әсәрләре һәркемгә якын, һәркемне дулкынландыра, яхшылыкка, әдәпле һәм намуслы булырга өнди.

Борынгы заман тарихы, 6 сыйныф, Коровкин Ф.П., 1993.

Учебник по истории для 6 класса на татарском языке.

Тарих — борынгы гарәп сүзе. Татар теленә тәрҗемә иткәндә ул «билгеле бер вакыт» һәм «булган вакыйгаларны сөйләп бирү, хикәяләү» дигән сүз. Тарих дип төрле халыкларның ничек яшәгәнен, алар тормышында нинди вакыйгалар булып үткәнен, кешеләрнең тормышы ничек һәм ни өчен, үзгәрә-үзгәрә, хәзерге дәрәҗәгә күтәрелгәнен өйрәнә торган фәнне атыйлар.
Кешеләрнең моннан меңнәрчә һәм ун меңнәрчә еллар элек ничек яшәгәнен без кайдан беләбез соң?

Биология, Үсемлекләр, бактерияләр, гөмбәләр, лишайниклар, 6-7 класслары, Корчагина В.А., 1993.

Учебник по биологии для 6-7 класса на татарском языке.

Сез биология фәне нигезләрен өйрәнүгә керешәсез. Аның исеме «биос» — тереклек, «логос» — фән дигән грек сүзләреннән алынган. Биология — тереклек, Җирдә яшәүче тере организмнар турындагы фән. Безнең планетадагы тере организмнар гаять төрле. Шулар исәбенә кеше дә, хайваннар да, үсемлекләр дә, гөмбәләр дә һәм башка бик күпләр керә.
Хәзерге вакытта барлык организмнарны 4 дөньялыкка берләштерәләр: хайваннар, үсемлекләр, бактерияләр, гөмбәләр.
6—7 классларда ботаника дәресләрендә сез үсемлекләр, бактерияләр, гөмбәләр һәм лишайниклар белән танышырсыз, аларның төзелешен, табигатьтә һәм кеше тормышында әһәмиятен өйрәнерсез.