учебник на киргизском языке

Сүрөт өнөрү, 7 класс, Сулаймонов А., Мухамеджанова С., 2022.

Книги по изобразительному искусству для 7 класса на киргизском языке.

   Ардактуу окуучу! Сага берилип жаткан бул жаңы муун китебинде сүрөт өнөрүнүн түрлөрү, жанрлары, агым жана багыттары, чыгармачыл сүрөтчүлөр, дизайн, композициялык ишмердүүлүк, каллиграфия (көркөм жазуу) өнөрү жөнүндөгү маалыматтар менен таанышасың. Сүрөт өнөрү сабактарында алган билимдериң, өздөштүргөн практикалык компетенцияларың кесип тандооңдо сага жакындан жардам берет. Ал үчүн сен китептеги темаларды кунт коюп өздөштүрүшүң, практикалык тапшырмаларды аткарып, өз чеберчилигиңди арттырып барууң зарыл болот. Бул китеп чыгармачыл ишмердүүлүк менен байланыштуу болгон сүрөтчүлүк, айкелчилик, дизайнeрлик, архитекторлук сыяктуу кесиптер жөнүндө түшүнүккө ээ болууң үчүн маанилүү булак милдетин өтөшүнө үмүт кылабыз.

Биология, 7 класс, Сапаров К., Азимов И., Умаралиева М., 2022.

Книги по биологии для 7 класса на киргизском языке.

   Силер 1–6-классстарда окуу мезгилинде “Табыгый илимдер” сабактарында табият жөнүндөгү көптөгөн түшүнүк жана термин, мыйзамдуулуктар менен тааныштыӊар. Бул жылы силер жаӊы предмет – биологияны үйрөнүүнү баштайсыӊар. “Табыгый илимдер” сабактарында алган билимиӊерди эми силер үчүн жаӊы предмет – биология аркылуу тереӊирээк үйрөнөсүӊөр. Колуӊардагы окуу китеби силерге жаӊы билимдерди өздөштүрүүдө жардам берет. Биология тирүү организмдердин түзүлүшү жана жашоо шарты, ар түрдүүлүгү, тарыхый жана индивидуал өнүгүүнүн мыйзам-ченемдүүлүктөрүн, ошондой эле, адамдардын жандуу жаратылышка тийгизген таасирин үйрөнөт.
Бул окуу китебинин жардамы менен силер биология сабактарында жана өз алдынча бактериялар, протисттер, козу карындар жана өсүмдүктөр, айбанаттардын түзүлүшү жана тиричилик функциялары, алардын көбөйүшү жана өнүгүү өзгөчөлүктөрү, тирүү организм түрлөрүнүн ар түрдүүлүгү, алардын табият жана адам турмушундагы мааниси жөнүндөгү билимдерге ээ болосуӊар.

Физика, 7 класс, Суяров K., Усаров Ж., Сангирова З., 2022.

Учебник по физике для 7 класса на киргизском языке.

   Физика – табият жөнүндөгү илим. Бул сөздү илимге грек ойчулу Аристотель киргизген.
Физика илими айланабызда болуп жаткан кубулуш жана жараяндарды түшүндүрөт. Мисалы, суунун буулануусу, жамгыр жаашы, муздун эрүүсү, чагылган болушу, лампочканын күйүүсү жана башкалар.
Физика илими көптөгөн тармактардын өнүгүүсүндө олуттуу мааниге ээ, мисалы, электроника, робототехника, кайра калыбына келе турган энергиянын булактары, жаңы түрдөгү материалдарды өндүрүү, медициналык курулмаларды жаратуу.

Сүрөт өнөрү, 6 класс, Муратов Х., Мирхакимова Д., Абдуллаев К., 2022.

Учебник по изобразительному искусству для 6 класса на киргизском языке.

   Ардактуу окуучу! “Сүрөт өнөрү” 6-класс китеби менен сен сүрөт өнөрүнүн дагы да кызыктуу жана заманбап жактарын өзүң үчүн ачасың. Заманбап сүрөт өнөрүнүн түркүн-түстүү жана сыйкырдуу ааламы сага өзүнүн сырларын ачып берет.
Китептин жардамында “Флуид-арт", “Поп-арт", 3D, “Doodling” жана “Zentangle” сыяктуу сүрөт тартуунун жаңыча усулдары, кинетикалык айкел жасоо техникасы, компьютер графикасында сүрөт тартуу темалары боюнча билим, көндүм жана тажрыйбага ээ болосуң.
Бул китеп сенин көркөм эстетикалык табитиңди калыптандырат, чыгармачыл туюмуңду өнүктүрөт, сени жаңыча идеяларды жаратууга үйрөтөт, жана өнөр-кесип ээлөөгө багыттайт.
“Сүрөт өнөрү” китебин мыкты өздөштүрүүңдө жана өз алдынча чыгармачылык жолуңда сага ийгиликтер каалайбыз!

Табигый илимдер, 6 класс, Сангирова З.Б., Суяров К.Т., Умаралиева М.Т., 2022.

Учебник по естествознанию для 6 класса на киргизском языке.

   Кымбаттуу окуучулар! Бул окуу жылында сен “Табигый илимдерди” үйрөнүүнү улантасың. Сени табият жөнүндөгү билимдердин кооз ааламын бойлой кызыктуу саякатка чакырам. Табият жөнүндөгү билимдер сага жашоодо зарыл болгон көндүмдөрдү өнүктүрүүдө жардам берет. Сен 1–5-класстарда окуу учурунда табият жөнүндөгү көптөгөн түшүнүк жана терминдер, мыйзамченемдүүлүктөр менен таанышкансың. Өткөн класстарда ээлеген билим, тажрыйба жана көндүмдөр жаңы билимдер үчүн пайдубал болот.

Физика, 10 класс, Турсунметов K.A., Усмонов Ш.Н., Рахматов Ж.А., 2022.

Учебник по физике для 10 класса на киргизском языке.

   Бул китеп табияттагы жараян жана кубулуштарды күзөтүү, анализдөө, физикалык кубулуштарды үйрөнүүдө аспаптардан туура пайдалана алуу, физикалык түшүнүк жана чоңдуктарды математикалык формулалар менен туюнта алуу, илим багытында жетишип жаткан ийгиликтер, алардын практикадагы колдонулушу аркылуу окуучуларда илимий көз караштарды өнүктүрүүгө, келечекте аларды илим жана технология ийгиликтеринен туура пайдаланууга багыттоону максат кылган. Китепте “Динамика. Статика элементтери”, “Механикалык термелүүлөр жана толкундар”, “Гидродинамика”, “Электростатикалык талаа”, “Туруктуу ток закондору”, “Түрдүү чөйрөлөрдө электр тогу”, “Магнит талаа” бөлүмдөрү үйрөнүлөт.

Геометрия, 7 класс, Хайдаров Б., Таштемирова Н., Асраров И., 2022.

Учебник по геометрии для 7 класса на киргизском языке.

   Сен математиканын эң кызыктуу бөлүмү – геометрияны үйрөнүүнү баштадың. Кенже класстарда айрым геометриялык фигуралар жана алардын касиеттери менен таанышкан элең. 7-класста геометриялык фигуралардын укмуштуу ааламына саякаттап, аны кеңири жана системалуу түрдө үйрөнүүгө киришесиң.
Бизди геометриялык фигуралар ааламы курчап турат. Геометриялык фигураларга күндөлүк турмушта ар кадамда туш келебиз. Чындыгында, төрт бурчтук түрүндөгү терезе рамкасы, кар бүртүгүнүн таң калыштуу формасы, түрдүү формадагы имараттар, күкүрт кутусу, велосипеддин дөңгөлөгү, самындын көбүкчөлөрү, гүлдөр, дарактын жалбырактары жана ушул сыяктуу нерселер белгилүү бир фигурага ээ.

Сүрөт өнөрү, 3 класс, Худайберганов Р., 2022.

Учебник по изобразительному искусству для 3 класса на киргизском языке.

   Ардактуу окуучу! Сен 2-класста «Сүрөт өнөрү» китеби аркылуу «Графика», «Айкелчилик», «Живопись» жана «Композиция» темалары боюнча башталгыч маалыматтарды үйрөндүң. Графикалык сүрөттөрдү тартуу, ылай жана пластилинден көлөмдүү бөртмө жана тоголок айкелдер жасоо, тартылган сүрөттөргө түс берүү, теманын негизинде композиция түзүү боюнча практикалык көндүмдөрдү ээледиң. 3-класста да бөлүмдөр удаалаштыгында кызыктуу темаларды үйрөнүү менен бирге сүрөт тартуу жана айкел жасоо, чыгармачыл композициялар түзүү боюнча жаңы көндүмдөрдү пайда кыласың.