учебник на каракалпакском языке

Isbilermenlik tiykarları, 11 klas, Ǵafurov U., Sharipov Q., 2018.

Учебник по бизнесу для 11 класса на каракалпакском языке.

Фрагмент из книги:
Biziń jáne bir áhmiyetli wazıypamız — kishi biznes hám isbilermenlik tarawların qollap-quwatlaw hám xoshametlew, mámleketimizdiń ekonomikalıq qúdiretin, elimizde tınıshlıq hám turaqlılıq, jámiyetlik tatıwlıqtı bekkemlewden, bul tarawdıń úlesin jáne de arttırıw ushın qolaylı shárt-sharayatlar jaratıp beriwden ibarat. Nege degende, isbilermen tek ǵana ózin hám shańaraǵın ǵana emes, bálki xalıqtı da, mámleketti de baǵadı. Men tákirar bolsa da, hesh aytıwdan sharshamayman, yaǵnıy xalıq bay bolsa, mámleket te bay hám qúdiretli boladı.

Ózbekstan tariyxı, 11 klas, Juraev N., Zamonov A., 2018.

Учебник по истории для 11 класса на каракалпакском языке.

   XX ásirdiń sońǵı jılları hám XXI ásirdiń basında Ózbekstan tariyxı ushın pútkilley jańa bet ashıldı. Ol tariyxıy dáwir sıpatında túpkilikli burılıs hádiysesin baslap berdi. Ózbekstannıń sovet sisteması sharayatındaǵı aqırǵı jılları hám ǵárezsiz rawajlanıw dáwiri xalqımızdıń birneshe mıń jıllıq tariyxında óziniń mazmunı, mánisi, proceslerdiń tezligi, waqıya-hádiyselerdiń pát penen rawajlanıwı menen ayrıqsha ajıralıp turadı.

Jáhán tariyxı, 11 klas, Ergashev Sh., Xodjaev B., Abdullaev J., 2018.

Учебник по истории для 11 класса на каракалпакском языке.

   Jáhán tariyxınıń 1991-jıldan baslanǵan dáwirde dúnyanıń sociallıqsiyasiy hám ekonomikalıq sistemasında úlken ózgerisler júz berdi. Bul dáwirde jámiyet turmısınıń barlıq tarawlarına kúshli tásir kórsetip atırǵan faktor ilimiy-texnikalıq revolyuciyanıń jańa bashqıshı-kompyuterxabar revolyuciyası boldı. Bul revolyuciyanıń tásiri astında rawajlanǵan mámleketlerde civilizaciyanıń industrial basqıshınan postindustrial, xabar basqıshına ótiw baslandı.
Bul sabaqlıq usı dáwir waqıyaların bayan etiw menen birge, jámiyet rawajlanıwınıń házirgi basqıshın talqılaw hám ǵárezsiz turmısqa qadem qoyıw aldında turǵan siz oqıwshılarǵa óz turmıslıq keleshegińizdi belgilep alıw imkanın beriwshi bilimlerdi qáliplestiredi. Bul bilimler jáhán xalıqları mádeniyatınıń hár biri ózine tán tabılmas ekenligi, gumanizm, watandı sú yiwshilik principleri, puqaralıq jámiyeti hám huqıqıy mámleket ideyalarına tiykarlanǵan insaniylıq qádriyatlardı ańlawǵa kómek lesedi.
Jámiyet rawajlanıwınıń áhmiyetli nızamlılıqların bilip alıw, rawajlanıwdıń ózine tán jolların túsiniw hám keleshek haqqında túsiniklerge iye bolıw imkanın beredi. Siz alǵan bilimler, sonday-aq, aldıńǵı mámleketlerdiń tariyxıy tájiriybesin Ózbekstanǵa dóretiwshilik penen qollanıwǵa járdem beredi.

Mámleket hám huqiq tiykarlari, 11 klas, Ismatova N., Karimova O., 2018.

Учебник по праву для 11 класса на каракалпакском языке.

   Qolimzdagi sabaqliq tómengi klasslarda algan bilimleriňizdi dawam ettiredi hám toliqtiradi, huqiqiy bilimlerimzdi keňeytedi. Mádeniyatqa iye boliw bolsa óziňizdiň qolmizda.
Nizamlardi bilmegen adam búgingi kúnde óz huqiq hám minnetlemelerin bilmeydi. Ol turmista qandayda bir qiyin jagdayga túsip qalganda, jagdaydan qalay shigip ketiwdi, mashqalani qalay sheshiwdi bilmey, qorgawsiz bolip qaliwi múmkin. Bir damshpan «Eň jaqsi erkinlik — bul mzamlarga gárezli boliw», degen eken. Sebebi, nížam ústemligi mámlekette tmishliq-turaqliliq, erkinlik hám demokratiyaliq principler húkim súriwiniň kepili bolip tabiladi.
Bul tarawdagi bilimleriňizdi bekkemlewde, hám joqari ádepikramliliq qádiriyatlar menen birge huqiqiy mádeniyatqa iye boliwda sizlerge tabislar tileymiz.

Biologiya, 11 klas, Ǵafurov A., Abdukarimov A., Talipova J., Eshanqulov O., 2018.

Учебник по биологии для 11 класса на каракалпакском языке.

   Bul sabaqlıq orta bilim beriwshi mekteplerde mámleketlik bilimlendiriw standartları talapları tiykarında tayarlanǵan. Sabaqlıqtıń mazmunı 10-klasta oqıtılǵan biologiya oqıw pániniń logikalıq dawamı bolıp, 11-klasta tirishiliktiń biogeocenotikalıq hám biosfera dárejesindegi ulıwma biologiyalıq nızamlar, organikalıq dúnya filogenezin úyreniwge arnalǵan. Temanıń mazmunın dıqqat penen oqıp shıǵıp, onda paydalanılǵan shártli belgiler tiykarında berilgen tapsırmalardı tolıq orınlawıńız, endigide insan sıpatında rawajlanıw, ilimiy dúnya qarastı keńeytiriw hám ekologiyalıq oy-óriske iye bolıwıńızǵa imkan beredi.
Ǵárezsiz Ózbekstannıń kámillikke umtılıwshı perzenti sıpatında pánniń negizin tereń ózlestirip, keleshekte biologiyadan iyelegen kompetenciyalarıńızǵa tiykarlanǵan halda kásip tańlap, ǵárezsiz ómirde óz ornıńızdı taba alıwıńızǵa isenemiz.

Ózbekistan tariyxı, 10 klas, Rajabov Q., Zamonov A., 2017.

Учебник по истории для 10 класса на каракалпакском языке.

   Tariyx xalıqqa sabaq hám bilim beredi. Tariyxtı úyrenbey turıp, keleshekti bilip bolmaydı. Hárbir insan, hárbir xalıq óz ótmishin hám keshirmelerin ata-babaları tárepinen jaratılǵan tariyxıy kitaplardı dıqqatlılıq penen oqıw, úyreniw arqalı bilip aladı. Tariyx insan aqıl-oyı hám oylawınıń sonday bir ájayıp hám káramatlı jemisi bolıp, onıń ruwxıy qúdireti hám járdemi menen biz barlıq ótmish zamanlardıń adamlarına sırlas, muńlas bolamız, ótken ásirler dizbegin pútkil keshirmeleri, gúresleri, qarama-qarsılılıqları menen kóz aldımızda sáwlelendiremiz. Insan tariyxtan tálim-tárbiya aladı, tariyx úlken sabaq beredi. Tariyx sabaqlarınan ózine tiyisli juwmaq shıǵara almaǵan, ótken kúnin jaqsı bilmegen millettiń keleshegi ózózinen belgili.

Ruwxıylıq Tiykarları, 10-11 klas, Qoshqorov V., Mahmudov O., Zamonov Z., 2017.

Учебник по основам духовности для 10-11 класса на каракалпакском языке.

   Dúnyada hárbir nárseniń ózegi, mánisi boladı. Adamzattšń mánisin onıń jaratıwshańlıǵı, bekkem kúshi, dini, basqalarǵa qalıs járdemge keliwi, basına táshwish túskende barıp xabar alıwı, quwanıshına sherik bolıwı, mehir-múriwbeti, bir sóz benen aytqanda, gózzal ruwxıy álemi quraydı.
Usı sabaqlıqta oqıwshı-jaslardıń qálbinde milliy oy-pikir hám salamat dúnya-qaras tiykarların sińdiriw, olardı ruwxıy basqınshılıqqa qarsı bekkem tura alatuǵšn, erk-šqrarš kúshli pidayı, watansúygish insanlar etip tárbiyalaw maqsetinde ruwxıylıqtıń túp mánisine kirip barıwǵa háreket etildi. Hárbir temanıń basında aktivlestiriw ushın soraw hám tapsırmalar berilgen. Ayırım waqıya hám mısallar siz jáne teńleslerińizdiń ómirinen keltirilgen. Bular siziń tómen klaslarda alǵan bilimlerińizdi yadqa alıwda ózine tán imtixan wazıypasın óteydi.
Áziz oqıwshı! Avtorlar Sizge «Ruwxıylıq tiykarları» pánin puqta hám tereń ózlestiriwde tabıslar tileydi.

Jáhán tariyxı, 10 klas, Ergashev Sh., Xodjayev B., Abdullayev J., 2017.

Учебник по истории для 10 класса на каракалпакском языке.

   Isaniyat tarixında Birinshi Jáhán urısınıń juwmaǵı – 1918-jıldan baslanıp, házirgi kúńge shekemgi dáwiri «Еń jańa tariyx» dep ataladı. «Еń jańa tariyx» insan jámiyeti rawajlanıwında industrial sivilizaciyadan postindustrial sivilizaciyaga ótiw dáwiri sıpatında qaraladı. Еń jańa dáwir tariyxında salıstırmalı ǵárezsiz bolǵan úsh basqıshtı ajıratıp kórsetiw múmkin.