Şaripow

Tehnologiýa, 6 synp, Şaripow Ş.S., Koýsinow O.A., Tohirow Ö.O., 2021.

Учебник по технологии для 6 класса на туркменском языке.

   Siz beýik gelejegi dörediji, täze tehnologiýalary durmuşa ornaşdyrýan, şonuň netijesinde ýurdumyzyň ösmegine uly goşant goşýan şahs hasaplanýarsyňyz. Şu täze nesil dersligi esasynda alan bilimleriňiz geljekki durmuşyňyzda möhüm orun eýeleýän amaly zähmet işine taýýarlanmagyňyzda hem-de özüňiz gyzyklanýan kär-hünär görnüşlerinden birini dogry saýlamagyňyzda Size ýakyndan kömek etjekdigine ynanýarys.

Tehnologiýa, 7 synp, Şaripow Ş., Koýsinow O., Abdullaýewa K., 2017.

Учебник по технологии для 7 класса на туркменском языке.
 
   Hormatly okuwçylar, siz 5-nji we 6-njy synplarda zähmet okuwy boýunça metal, agaç, aşpezlik we tikinçilige degişli ençeme bilimlere we endiklere eýe boldyňyz. 7-nji synpda ynha şu işleri ýene-de dolurak öwrenersiňiz. Zähmet okuwynyň “Tehnologiýa we dizaýn” we “Serwis hyzmaty” ýönelişleriniň dürli temalary boýunça çylşyrymlyrak işleri ýerine ýetirip, alan bilimleriňizi ösdürersiňiz. Şeýlelikde eýelän bilimiňiz arkaly yhlasly we döredijilikli işlemekde, gözlenen maksada ymtylmakda we ýokary netijeli gazanmakda islendik kynçylygy ýeňip bilersiňiz.
Şu derslikde degişli işleri ýerine ýetirmegiň ýollary berlen bolup, olary öz mekdebiňiziň şertine, öz synpyňyzyň mümkinçiligine laýyklap amala aşyryp bilersiňiz. Bu derslik gözlenýän beýik maksatlaryňyza ýetmegiňizde ýakyn kömekçiňiz bolar.

Zähmet okuwy, 5 synp, Şaripow Ş., Muslimow N., Tolipow O., 2015.

Учебник по технологии для 5 класса на туркменском языке.
 
   Eziz okuwçylar! Zähmet okuwy sizi zähmetiň görnüşleri we prosesleri, kärler bilen tanyşdyrýar, olary gadyrlamagy öwredýär. Sizde ilkinji zähmet endiklerini we başarnyklaryny, döredijilige bolan gyzyklanmany şekillendirýär. Zähmet okuwy derslerinde dürli amaly ýumuşlary ýerine ýetirip, geljekki gündelik durmuşyňyzda zerur bolýan işleri ýerine ýetirmegi öwrenersiňiz.
Her bir okuwçy mekdep döwründen özüni zähmete, geljekde eýelemekçi bolýan kärine taýýarlap barmalydyr. Munuň üçin zähmetsöýüjilik, döredijilik, düşbülik, tertiplilik, berlen ýumuşlary ýerine ýetirende jogapkärçilik bilen çemeleşmek ýaly sypatlary özüňize endik edinmelisiňiz. Şu babatda zähmet okuwy siziň iň ýakyn kömekçiňiz bolup galýar.

Tehnologiýa, 6 synp, Şaripow Ş., 2017.

Учебник по технологии для 6 класса на туркменском языке.

   Eziz okuwçylar! Eliňizdäki 6-njy synp “Zähmet okuwy” (Tehnologiýa) dersligi Siziň adamlaryň durmuşynda möhüm orun tutýan amaly zähmet işine taýýarlanmagyňyzda möhüm orun tutýar. Kämillik ýaşyna ýetip, haýsy käri eýeleseňiz-de, kim bolsaňyz-da, tehnologiýadan alan bilimleriňiz we endikleriňiz Size öýde, maşgalada, işiňizde hökman peýdasy deger. Tehnologiýa sapaklarynda materialşynaslyk, gural-enjamlar, gurluşlar we olardan peýdalanmaga degişli bilimleri özleşdirýärsiňiz. Önüm öndürmekde we öý hojalyk enjamlaryny abatlamaga degişli endiklere we başarnyklara eýe bolarsyňyz.

Telekeçiligiň esaslary, 11 synp, Gafurow U., Şaripow K., 2018.

Учебник по бизнесу для 11 класса на туркменском языке.

Фрагмент из книги:
Biziň ýene bir möhüm wezipämiz – kiçi biznes we telekeçilik ugruny goldamak we höweslendirmek, ýurdumyzyň ykdysady kuwwatyny, ýurdumyzda parahatçylyk we berkararlyk, sosial jebisligi berkitmekden, bu ugruň ülşüni has-da artdyrmak üçin amatly şertleri döredip bermekden ybarat. Näme üçin diýende, telekeçi diňe bir özüni we maşgalasyny däl, eýsem hem halky, hem döwleti bakýar. Men gaýtalaýan bolsam hem, aýtmakdan hiç haçan ýadamaryn, ýagny, halk baý bolsa, döwlet hem baý we güýçli bolýar.

Geografiýa, 10 synp, Şaripow Ş.M., Fedorko W.N., Safarowa N.I., Rafikow W.А., 2017.

Учебник по географии для 10 класса на туркменском языке.

Фрагмент из книги:
Mälim bolşy ýaly, geografi ýa iň gadymky ylymlardan biri bolup, onuň öwrenýän hadysalarynyň çägi örän giň. Ilki bilen, 5-nji synpda Siz geografi ýa “Ýeriň ýüzündäki tebigaty, ilaty we ynsanyň hojalyk durmuşyny öwrenýän ylym” diýip berlen kesgitleme bilen tanşypdyňyz. Soňlugy bilen geografi ýa ylmynyň öwrenýän obýekti geografi k gabykdygyny hem bilipdiňiz.

Tebigaty öwreniş, 4 synp, Bahromow A., Şaripow Ş., Nabiýewa M., 2017.

Учебник по естествознанию для 4 класса на туркменском языке.

Фрагмент из книги:
Tomusky dynç alyşda hezil edip dynç alansyňyz. Tomus özboluşly ajaýyp pasyldyr. Bu döwürde günler uzyn, gijeler bolsa gysga bolýar. Günüň şöhleleri ülkämiziň çägine dikräk düşýär. Şonuň üçin günler yssy, asman bulutsyz bolýar.
Tomus çagalaryň iň söýgüli paslydyr. Tomusda çagalar ýaşytdaşlary bilen oýnaýarlar, suwa düşýärler, tebigatyň nygmatlaryndan lezzet alýarlar.

Tebigaty öwreniş, 3 synp, Bahromow А.A., Şaripow Ş., Nabiyewa M., 2019.

Учебник по естествознанию для 3 класса на туркменском языке.

Фрагмент из книги:
Gijesine asmanda Aý we ýyldyzlar görünýär. Gündizine Gün Ýer ýüzüni ýagtylandyrýar we gyzdyrýar. Gün şöhlesinden dag, ýaýla, tokaý, çöllerdäki ösümlikler ösýär. Daglarda we düzlüklerde, tokaýlarda we çöllerde dürli haýwanlar ýaşaýar. Asmanda her hili guşlar perwaz edýärler. Käte asmanda bulutlar peýda bolýar. Käbir günler ýagyş ýagýar. Howa sowap 0°C-dan peselende bolsa gar ýagýar. Gar we ýagyş suwlaryndan derýalar emele gelýär. Ençeme derýalar öz suwuny köllere ýa-da deňizlere guýýar. Derýalar, köller we deňizler dürli suw otlaryna we suw haýwanlaryna baý. Bularyň ählisi tebigatdyr.