учебник на каракалпакском языке

Súwretlew óneri, 6 klas, Muratov X.X., Abdullayev K.N., Mirxakimova D.A., 2022.

Учебник по изобразительному искусству для 6 класса на каракалпакском языке.

   Áziz oqıwshılar! “Súwretlew óneri” 6-klass sabaqlıǵı menen sizler súwretlew óneriniń jáne de qızıqlı hám zamanagóy táreplerin ózińiz ushın ashasız. Zamanagóy súwretlew óneriniń reńli hám sıyqırlı dúnyası sizlerge óziniń sırların ashıp beredi.
Sabaqlıq járdeminde “Fluid art”, “Pop art”, 3D, “Doodling” hám “Zentangle” sıyaqlı súwret salıwdıń jańasha usılları, kinetik músin jasaw texnikası, kompyuter grafikasında súwret salıw temaları boyınsha bilim, kónlikpe hám tájiriybelerge iye bolasız.
Bul sabaqlıq sizlerdiń kórkem estetikalıq talǵamıńızdı qáliplestiredi, dóretiwshilik oy-pikirińizdi rawajlandıradı, sizdi innovaciyalıq ideyalar jaratıwǵa úyretedi, hám de kásip-óner iyelewge baǵdarlaydı.
“Súwretlew óneri” sabaqlıǵın jaqsılap ózlestiriwińizdi hám dóretiwshilik jolında tabıslar tileymiz!

Tábiyiy pánler, 6 klas, Suyarov K.T., Sangirova Z.B., Umaraliyeva M.T., 2022.

Учебник по естествознанию для 6 класса на каракалпакском языке.

   Áziz oqıwshı! Bul oqıw jılında siz «Tábiyiy pánler»di úyreniwdi dawam etesiz. Sizdi tábiyat haqqındaǵı bilimlerdiń ájayıp álemi boylap qızıqlı sayaxatqa mirát etemiz. Tábiyat haqqındaǵı bilimler sizge turmısta zárúr bolǵan kónlikpelerdi rawajlandırıwda járdem beredi. Siz 1-5-klaslarda oqıw dawamında tábiyat haqqındaǵı kóplegen túsinik hám atama, nızamlıqlar menen tanıstıńız. Aldınǵı klaslarda iyelegen bilim, uqıplılıq hám kónlikpeler jańa bilimler ushın tiykar boladı.

Jáhán tariyxı, 10 klas, Muǵallimler ushın metodikalıq qollanba, Xodjayev B., Abdullayev J., Hakimov N., 2022.

Учебник по истории для 10 класса на каракалпакском языке.

   Milliy oqıw baǵdarlaması tiykarında jaratılǵan 10-klass “Jáhán tariyxı” sabaqlıǵı ushın tayarlanǵan bul metodikalıq qollanbada ulıwma orta bilim beriw mektepleri oqıwshılarına jáhán tariyxı páninen qoyılatuǵın talaplar, kalendar-tematikalıq reje, interaktiv metodlar toplamı hám de sabaqlardı shólkemlestiriw boyınsha metodikalıq usınıslar berilgen. Pán oqıtıwshıları sabaq procesinde temaǵa say interaktiv metodlardı qollanıwda, sabaqtı nátiyjeli shólkemlestiriwde metodikalıq qollanbadan dóretiwshilik jaqtan jantasqan halda paydalanıwı múmkin.

Fizika, 7 klas, Súyarov K., Usarov J., Sangirova Z., 2022.

Учебник по физике для 7 класса на каракалпакском языке.

   Fizika páni átirapımızda bolıp atırǵan qubılıs hám processlerdi túsindiredi. Mısalı, suwdıń puwlanıwı, jawınnıń jawıwı, muzdıń eriwi, shaqmaq shaǵıwı, lampochkanıń janıwı hám basqalar.
Fizika páni kóplegen tarawlardıń rawajlanıwında úlken áhmiyetke iye, bularǵa: elektronika, robototexnika, qayta tiklenetuǵın energiya derekleri, jańa túrdegi materiallardı islep shıǵarıw, medicinada paydalanıwshı qurılmalardı jaratıw kiredi.

Geometriya, 7 klas, Haydarov B., Tashtemirova N., Asrorov I., 2022.

Учебник по геометрии для 7 класса на каракалпакском языке.

   Siz matematikanıń eń ózine tartatuǵın bólimi - geometriyanı úyrenip baslap atırsız. Tómengi klaslarda birneshe geometriyalıq figuralar hám olardıń qásiyetleri menen tanısqan edińiz. 7-klasta geometriyalıq figuralardıń ájayıp álemine sayaxat etip, onı hár tárepleme hám sistemalı túrde úyreniwge kirisesiz.
Bizdi geometriyalıq figuralar álemi qorshap turadı. Geometriyalıq figuralarǵa kúndelikli turmısta hár qádemde dus kelemiz. Haqıyqattan, tórtmúyeshlik figuraǵa ayna raması, qar japraqshalarınıń naǵısları, túrli formadaǵı imaratlar, shırpı qutısı, velosiped dóńgelegi, sabın kóbiksheleri, gúller, terek japıraqları hám basqa nárseler qanday da bir figuraǵa iye.

Ana tili hám oqıw sawatlılıǵı, 3 klas, 1 bólim, Uspanova J., Abdijabbarova X., 2022.

Учебник по каракалпакскому языку для 3 класса на каракалпакском языке.

Фрагмент из книги:
Vunderkind – inglis tilinen alınǵan bolıp, tań qalarlıq balalar degendi ańlatadı. Yaǵnıy olar teńlesleri arasında aqılıy hám intellektuallıq jaqtan anaǵurlım dárejede rawajlanǵan balalar. Olarda matematika, fizika, muzıka hám enciklopediyalıq bilimler erte qáliplesken bolıwı múmkin. Olar ózleri qatarındaǵılar ele mektepte bilim alıp atırǵanında, erte jasınan, mektep pitkermesten burın joqarı oqıw orınlarında oqıp, qánigeligi boyınsha ilimiy dárejelerdi jaqlawǵa erisedi. Bunday ájayıp vunderkind balalardıń muzıkaǵa qızıǵatuǵınları operalar jazsa, sportqa qızıǵatuǵınları shaxmat chempionları dárejesine jetedi.

Texnologiya, 7 klas, Sharipov Sh.S., Qoysinov O.A., Mamatov D.N., 2022.

Учебник по технологии для 7 класса на каракалпакском языке.

   Siz - ullı keleshekti jaratıwshı, jańa texnologiyalardı turmıs ámeliyatında qollanıp biliw hám mámleketimiz rawajlanıwına úlken úles qosıwshı shaxssız. Bilseńiz, bilim, kónlikpe hám ilmiy tájiriybelersiz gózlegen maqsetlerge erisip bolmaydı.
7-klass ushın “Texnologiya” sabaqlıǵı Siziń árman - niyetlerińiz ámelge asıwında tiykar wazıypasın orınlaydı. Sabaqlıq tiykarında alǵan bilimlerińiz keleshek turmısıńızda zárúrli orın iyeleytuǵın ámeliy miynet iskerligine tayarlanıwıńızda, ózińiz qızıqqan kásip-óner túrlerinen birin tuwrı tańlawıńızda úlken áhmiyetke iye boladı.

Súwretlew óneri, 3 klas, Xudoyberganov Z., 2022.

Учебник по изобразительному искусству для 3 класса на каракалпакском языке.

   Qâdirli oqiwshilar! Siz 2-klassta "Sûwretlew oneri" sabaqhgi arqa-li "Grafika", "Mûsinshilik", "Rehli sûwret" hâm "Kompoziciya" temalan boymsha dâslepki maglumatlardi aldiniz. Grafikahq sûwretler sahw, ilay hâm plastilinnen kolemli bôrtpe hâm domalaq mûsinler islew, sizilgan süwretlerge reh beriw, tema tiykannda kompoziciya islew boyinsha âmeliy konlikpelerge iye boldiniz. 3-klassta da baplar izbe-izliginde qiziqli temalardi ûyreniw menen birge sûwret sahw, mûsin islew, kompoziciya dôretiw boyinsha jaha bilimlerge iye bolasiz.