Narhojaýew

Saz, 3 synp, Narhojaýew N., 2022.

Учебник по музыке для 3 класса на туркменском языке.

   Gadyrly okuwçy! Eliňizdäki Aýdym-saz kitaby sizi täsin sazlar we äheňler dünýäsine alyp barar, duýgularyňyzy näzik eder, saza bolan höwesiňizi artdyrar we gözelligi söýmegi öwreder. 3-nji synpda aýdym-sazy üns bilen diňlemegi we ýakymly edip aýdym aýtmagy, aýdym-saz sowatlylygy boýunça täze bilimlere eýe bolup, kompozitorlaryň döredijiligi bilen tanyşarsyňyz. Aýdymsaz endikleriňizi has-da baýlaşdyrarsyňyz. Ýylyň dowamynda aýdýan aýdymlaryňyz sizi Watana wepalylyk ruhunda terbiýeleýär.
Bagtly çagalyk temalaryny wasp edýär. Şonuň üçin sazlaryň we aýdymlaryň mazmunyna düşüniň, sözleriň we heňleriň bitewiligine akyl ýetiriň. Labyzly we ýakymly ýerine ýetirmek ukuplaryny has pugtarak eýelejek boluň.

Saz, 1 synp, Narhojaýew N., 2021.

Учебник по музыке для 1 класса на туркменском языке.
    
   Sazyň jadyly dünýäsine äden ilkinji ädimiňiz mübärek bolsun! Bu syýahatda size mugallymlaryňyz iň ýakyn kömekçiňiz bolarlar. Belki siz sungat işgäri bolmarsyňyz, ýöne saz älemi bilen tanyşmagyňyz durmuşyňyzy has-da gyzykly etmäge kömek eder. Eliňizdäki derslik arkaly sazdan ilkinji sapaklary alarsyňyz.
Saz hemişe hemraňyz bolsun!

Saz, 2 synp, Narhojaýew N., 2021.

Учебник по музыке для 2 класса на туркменском языке.

   Sazyň jadyly älemine syýahatymyz dowam edýär. Bu okuw ýylynda size ençeme täze we gyzykly maglumatlar garaşýar. Siz sazyň, aýdymyň nämedigini bilersiňiz, çärýek we sekizlik notalar, sazly ölçegler barada düşünjä eýe bolarsyňyz. Tanbur, gyjak ýaly milli saz gurallarymyz ýaňyndan lezzet alarsyňyz. Ençeme sazly adalgalar bilen tanyşarsyňyz we saza has düşünip başlarsyňyz.
Ata Watanymyz, gözel tebigatymyz, dostluk we parahatçylyk baradaky ençeme sazlary we aýdymlary diňlärsiňiz, aýdym aýtmagy öwrenersiňiz, olara goşulyşarsyňyz. Mundan başga-da, pikirlenme, oýlap tapmak, döredijilik etmäge gönükdirilen ýumuşlary ýerine ýetirersiňiz.

Saz, 3 synp, Nurmatow H., Narhojaýew N., 2019.

Учебник по музыке для 3 класса на туркменском языке.

   Eliňizdäki «Saz» kitaby ençeme başga derslikler ýaly Garaşsyzlyk arkaly çap edilip, Garaşsyzlygyň nygmatyna öwrüldi.
Siz üçin her bir derslik we okuw edebiýatlary özüçe eziz, çünki olar bilimiňizi ösdürýär, gelejege tarap itekleýär.
Saz ynsany täsin saz we äheňler dünýäsine ündeýär, duýgularyny näzikleşdirýär, datyny ýiteldýär, gözelligi söýmegi öwredýär.
Siz 3-nji synpda saz heňlerini dykgat bilen diňlemek hem-de aýdymlary ýakymly, labyzly edip aýtmaklygy özleşdirersiňiz, täze kompozitorlaryň döredijiligi bilen tanyşarsyňyz, saza bolan höwesiňiz ýene-de artar.

Saz, 2 synp, Nurmatow H., Narhojaýew N., 2018.

Учебник по музыке для 2 класса на туркменском языке.

Фрагмент из книги:
1. Aýdym aýdýan wagtyňyzda göwräňizi dik tutup, erkin durmak gerek.
2. Aýdymy ýumşak, ýuwas ses bilen gygyrmazdan aýdyň. Sözlerini anyk, düşnükli edip aýdyň.
3. Aýdymdaky basym düşýän bogunlary sozubrak aýdyň.
4. Demiňizi tygşytlamak bilen, bendiň ahyryna çenli ýetirip ulanyň.
5. Köpçülik bolup aýdym aýdýan wagtyňyzda ýoldaşlaryňyz bilen deň aýdyň.
6. Aýdym aýdýan wagtyňyzda saz mugal-lymyňyzyň eliniň hereketlerine üns beriň, görkezmelerini anyk ýerine ýetiriň.