У гэтым навучальным годзе вы будзеце вывучадь геаметрыю прасторы — стэрэаметрыю. Калі ў планіметрыі асноўнымі аб’ектамі вывучэння з’яўляюцца пункт, прамая і тыя фігуры, усе пункты якіх належаць адной плоскасці, то ў стэрэаметрыі да асноўных аб’ектаў вывучэння дадаецца плоскасць і вывучаюцца тыя фігуры, што маюць тры вымярэнні і якія прынята называць целамі. Да асноўных цел адносяцца прызма, цыліндр, піраміда, конус, шар.
