Колбышава

Мастацтва (айчынная і сусветная мастацкая культура), Вучэбны дапаможнік для 7 класа, Валанцэвіч Н.С., Колбышава С.I., Карпянкова М.Д., Захарына Ю.Ю., Томашава І.Р., Бохан А.С., Шунейка Я.Ф., Шымелевіч Г.Г., 2017.

У новым навучальным годзе мы пачынаем знаёміцца з гісторыяй айчыннай і сусветнай мастацкай культуры. Гэта будзе займальнае падарожжа. Вам давядзецца адкрыць для сябе мноства вялікіх дасягненняў розных эпох і культур. Першы прыпынак у падарожжы — культура першабытнай эпохі. Вы ўбачыце наскальны жывапіс, дакраняцеся да таямніц першага жылля. Даведаецеся, пра што хацеў расказаць першабытны чалавек, пакідаючы малюнкі жывёл, чалавечыя фігуркі, загадкавыя сімвалы і знакі.

Мастацтва (айчынная і сусветная мастацкая культура), Вучэбны дапаможнік для 9 класа, Колбышава С.I., Томашава І.Р., Захарына Ю.Ю., Волкава I.В., Бычкова Н.В., Шатарава М.А., 2019.

У 9-м класе мы працягваем з вамі займальнае падарожжа па прасторах айчыннай і сусветнай мастацкай культуры. Вы ўбачыце, як Вялікая французская рэвалюцыя паўплывала на гісторыю мастацтва. Даведаецеся, што такое рамантызм, і зразумееце, чаму мастакі-класіцысты вялі з рамантыкамі зацятую барацьбу. Вялікі жывапіс і музыка XIX стагоддзя раскрыюць вам глыбіні чалавечай душы і таямніцы сэрца. Вы наведаеце знакамітыя Парыжскія салоны і здзівіцеся нечаканым адкрыццям імпрэсіяністаў.

Мастацтва (айчынная і сусветная мастацкая культура), Вучэбны дапаможнік для 8 класа, Бохан А.С., Колбышава С.I., Томашава І.Р., Захарына Ю.Ю., Карпянкова М.Л., Бычкова Н.В., 2018.

У 8-м класе мы працягваем з вамі займальнае падарожжа ў гісторыю айчыннай і сусветнай мастацкай культуры. Першы прыпынак у падарожжы — мастацкая культура Сярэдневякоўя. Перад вамі расчыняць дзверы сярэдневяковыя замкі і саборы. Дзякуючы творам мастацтва вы даведаецеся, як жылі і як выглядалі жыхары сярэдневяковых гарадоў.

Мастацтва (айчынная і сусветная мастацкая культура), Вучэбны дапаможнік для 6 класа, Грачова В.А., Захарына Ю.Ю., Колбышава С.І., Маруноў А.А., 2016.

У шостым класе вы зможаце адкрыць яшчэ адны дзверы ў свет дзівосных фарбаў і гукаў, экспрэсіўных формаў і ліній, выразных слоў і рухаў. Вы даведаецеся, як ужо знаёмыя вам віды мастацтва ўзаемадзейнічаюць і размаўляюць адзін з адным. У садружнасці мастацтваў з’яўляюцца новыя віды — цырк, тэатр, кіно. Вучэбны дапаможнік, які вы трымаеце ў руках, дасць вам магчымасць акунуцца ў чароўны свет тэатра, пабываць на здымачнай пляцоўцы, пазнаёміцца з вядомымі рэжысёрамі і артыстамі. Акрамя таго, вы даведаецеся пра сучасныя віды мастацкай творчасці, якія ствараюцца пры дапамозе камп’ютарных тэхналогій.

Мастацтва (айчынная і сусветная мастацкая культура), Вучэбны дапаможнік для 5 класа, Грачова В.А., Захарына Ю.Ю., Колбышава С.І., 2016.

Вы пазнаёміцеся з новым вучэбным прадметам «Мастацтва». Паспрыяе гэтаму вучэбны дапаможнік, знаёмства з якім адкрые вам асаблівы свет — свет мастацтва. Ён напоўнены дзіўнымі фарбамі і гукамі, «гаваркімі» лініямі і формамі, выразнымі словамі і рухамі. Вы будзеце вучыцца разумець і адчуваць свет мастацтва. Даведаецеся, што кожны твор непаўторны і ўнікальны. У адным знаходзіць адлюс- траванне жыццё канкрэтнага чалавека, у іншым — лёс краіны або нават усяго чалавецтва.