Учебник по истории для 7 класса на каракалпакском языке.
Siz 6-klasta «Jáhán tariyxı»nıń áyyemgi dáwirin úyrendińiz. Áyyemgi dáwirde adamlar qalay jasaǵanı, Áyyemgi Shıǵıs, Greciya hám Rim mámleketleriniń rawajlanıwı hám daǵdarısqa ushırawları haqqında bilip aldıńız.
7-klasta bolsa orta ásirler dáwiri tariyxın úyrenesiz. Bul dáwir jáhán tariyxınıń eramızdıń V ásiri aqırınan — XV ásirdiń aqırına shekemgi dáwirdi, yaǵnıy áyyemgi zaman menen jańa zaman ortasındaǵı 10 ásirdi óz ishine aladı. Italiyalı alımlar insaniyat tariyxın «áyyemgi tariyx», «orta tariyx» hám «jańa tariyx»larǵa bólip úyreniwdi usınıs etken. «Orta tariyx» degende, dáslep orta ásirler tariyxı túsiniledi.








