Учебник по литературе на узбекском языке.
Фрагмент из книги:
Кул Тегин ва Билга Хоқон ёдномалари, «Китоби дада Қўрқут», «Девону луғотит турк», «Қобуснома», «Қутадғу билиг» каби тарихий-бадиий манбалар узбек болалар адабиёти бой тарихга эга эканлигидан, унинг илк намуналари «ўзбек» деган атаманинг юзага келишидан кўп замонлар илгари аллалар, овутмачоқлар, эркалатмалар, санамалар, олқишлар, қарғишлар, кўшиқлар, топишмоқлар, мақоллар, чўпчаклар шаклида мавжуд бўлганидан дарак беради. Ҳатто эрамиздан олдин яшаб ўтган Геродот ва Полиэн каби грек тарихчиларининг Ўрта Осиё ҳудудларида Широқ ва Тўмарис ҳақидаги тарихий афсоналарнинг кенг тарқалганлигига доир маълумотлар бор. Бу эса ватанпарварлик, жасурлик, ростгўйлик, келажакка ишонч ва эътиқод, авлодаждоддарга садоқат туйғулари билан боғлиқ фарзанд тарбияси бани башарнинг ибтидоий даврларидан бизга мерос бўлиб келганлигига мисол бўла олади. Мазкур афсоналар билан бир қаторда сўнгги даврларда яратилган пандномалар, ахлоқийдидактик достонлар, қиссалар, афсона ва ривоятлар ўтган асрнинг бошларида кўпгина қардош халқларда бўлгани каби бадиий адабиётнинг махсус тарбияга йўғрилган бу соҳаси болалар адабиёти сифатида шаклланишига асос бўлди.
