Çangliýew

Ilkinji öwrenen 1000 sözüm, Çangliýew G., Çangliýewa T., 2024.

   «Ilkinji öwrenen 1000 sözüm» atly bu gollanma, pars elipbiýini doly özleşdireninden soňra, täze sözleri ýat tutmak arkaly öz sözlük goruny baýlaşdyrmaklyga höwes bildirýänler üçin kiçeňräk gollanma hökmünde hyzmat edip biler.

Pars diliniň gepleşik kadalary, Ikinji kitap, Çangliýew G., 2023.

   Eliňizdäki gollanma »Pars diliniň gepleşik kadalary« atly kitabyň dowamy bolup, bu kitapda pars gepleşik diline mahsus bolan aýratynlyklar we özboluşlylyklar, gepleşik diliniň kadalary, mysallary we türkmen dilindäki terjimeleri berildi. Kitap 2 bölümi öz içine alýar. Birinji bölüm 10 sapakdan ybarat bolup, olarda janly gepleşik diliniň kadalary mysallar arkaly düşündirilýär. Sapaklaryň käbirinde çykgytlar arkaly eliňizdäki kitabyň birinjisine salgylanylýar. Munuň esasy maksady bolsa, janly gepleşikde aýdylyşy ýaly görnüşde ýazylan pars sözleriniň haýsy gepleşik kadalaryna laýyklykda üýtgändigini düşündirmekdir. Kitabyň ikinji bölümi »Tähranlylaryň syrly diliniň sözlügi« diýlip atlandyrylýar.
Bu kitap pars diliniň başlangyç döwürlerinden geçip, gepleşik dilinde erkin we dürs geplemeklige höwes bildirýänler üçin gollanma hökmünde hyzmat edip biler.

Pars dilinde alynma sözleriň gysgaça sözlügi, Çangliýew G., 2022.

   «Pars dilinde alynma sözleriň gysgaça sözlügi» häzirki günsaýyn ösýän döwürde eýran halky tarapyndan gündelik durmuşda işjeň ulanylýan alynma sözleriň belli bir mukdaryny öz içine almak bilen, bu ugura gyzyklanma bildirýänler üçin kiçijek gollanma bolar.